أخـر المقالات

الجمعة، 2 نوفمبر 2018

اسئلة امتحان المرحله الثانيه للبنك الزراعي المصري بالمعهد المصرفي بالكامل

-#-#

بسم الله الرحمن الرحيم
في المقال ده ان شاء الله هنتكلم عن المرحله التانيه من امتحان البنك الزراعي المصري واللي بينقسم لعدة اجزاء وهي

  •  جزء المحاسبه 
  • جزء الاقتصاد
  • جزء الــ IQ
  • جزء الـ IT

هنحاول بإذن الله اننا نوضحهم لحضراتكم وده من خلال تجارب الناس اللي دخلت الامتحان الخاص بالبنك الزراعي المصري في المعهد المصرفي ولكن الاسئله مش هتكون بالترتيب وهتكون بشكل عشوائي وهي برضو فب الامتحان كده

اولا الماتريال اللي ممكن تذاكر  : -

 منها لو قدامك فتره كبيره كل كتب تجارة PDF بتاعت جامعة القاهرة هنا  تجارة عربي / انجلش عشان الانجلش يسترجعو معلومات برضو بس المهم يعرفو يترجمو و يبقو فاهمين العربي لان الامتحان كله عربي وهتلاقوها من خلال الرابط ده

ثانياً الامتحان 

1- تعريف ميزان المراجعة: حساب ختامي فيه الطرف المدين = الطرف الداين
2- جون مينارد كينز: من أشد المعاضرين لتدخل الدولة فى الإقتصاد (غلط)   هو سميث
3- ياريت نركز ف السؤال ده: جايبلك تعريف الشيكات تمام ، هي اداة وفاء ..... ، و من ثم فإنها تصلح كبديل للنقود (بصراحة السؤال ده لخبطني شوية) عشان من خصائص الشيكات اه اداة وفاء بس .. الأوراق التجارية من خصائصها تصلح كبديل للنقود بس الكلام ده فى مبدأ (الاوراق التاجرية تمثل حق نقدي)
بصوا مش عايز الخبطكم يمكن انا فهمت غلط بس فى حاجة مشهورة بيعملها المعهد ف امتحاناته انه هيجيب تعريف نصه صح و التاني ف حتة غلط ياريت نركز و نقرا السؤال كويس لاخره و مش اول ما نشوف بداية التعريف نقول صح ... لا الامتحان عاوز فهم مش حفظ تمام ؟؟
4- عجز الموازنة ؟؟ و جايب اختيارات مش فاكرها بصراحة
5- ميزان المدفوعات: (تعريفه) و يقولك صح ولا غلط
6- البطالة تعريف: و يقولك صح ولا غلط
7- مسألة فى الإقتصاد عن "القيمة المُضافة": معلش انا مش فاكرها اوي فـ ممكن اقول اي ارقام للتوضيح بس ... نفترض اجمالي الانتاج 6000 و عدد المنتجات و كاتبها جمبها بالانجلش برضو Input goods  و ليكن 600 ... القيمة المضافة = ؟؟؟؟ انا اعتقد اننا بنطرح ..هي الفرق بس مش متأكد .. اي تأكيد من عن طريق جوجل ... معلش سامحوني انا مش فاكر برضو اسامي المصطلحات الـ 6000 دي ممكن يكون مسمهاش اجمالي الانتاج بس متاكد انها حاجة ف الاقتصاد لاني قريتها قبل الامتحان الصبح
8- الحساب اللي ملوش تسويات جردية (ايرادات – مصروفات – الاهلاك - ..... ) و هو تقريبا الحاجة الاخيرة لانه مل دول ليهم تسوية جردية
9- أهم إيراد للبنك: (دمغة نسبية – فايد مدينة – فايدة داينة – فايدة ع الودايع/الشهادات)
10- مسألة طالب منك تحسب (الأرباح المحتجزة) معلش سامحوني مش فاكرها كويس بس هحاول أجمالي الأصول كذا 000 150 و اسهم الشركة 2 مليون و الالتزامات/الخصوم  000 70 و في حاجة قيمتها 1000 مش فاكر اسمها بس تقريبا ليها علاقة بالسهم .. و المطلوب: النفقات = ؟ و الارباح المحتجزة = ؟

هي دية المسألة  بالارقام تقريبا كمان
في نهايه العام المالي
راس مال الاسم ٥٠ الف
الايرادات ٢٠٠ الف
الاصول ١٢٠ الف
الخصوم ٨٠ الف
توزيعات ١٠ الاف
هات المصروفات و الارباح المحتجزه

11- الموازنة: تعد لفترة (مستقبلية)
12- الاحتياطي للبنوك من عوائد/فوايد ادخاراتها بيكون فين ؟ (غالبا البنك المركزي)
13- تعريف قايمة المركز المالي & الميزانية .... صح و غلط (اقرو السؤال كويس للاخر)
14- القروض من منتجات التجزئة المصرفية للبنك و تعتبر ؟  (أصول)
15- الاقتصاد الحر (لا تدخل فى الحكومات / دور واضح فيه ) صح
16- تعريف الميزان التجاري و جايب صح ولا غلط (اقرو السؤال كويس للاخر)
17- تعريف الحساب المشترك و جايب صح ولا غلط (اقرو السؤال كويس للاخر)
18- مسألة: شركة فى 1/4/16 مثلاً استلمت نقداً 000 20 (مقدماً) عن حاجة و جات فى 31/12 كانت خلصت (1/3) الحاجة دي بس ..... تأثير الكلام ده ع (قايمة الدخل) ؟؟؟ اعتقد دي ليها علاقة بالتسويات الجردية بس (اقرو السؤال كويس للاخر)  بيقول تاثيرها ع قايمة الدخل
19- مسألة اقتصاد: اجمالي الناتج 230 ، و المدخلات 60 ... الصافي كام ؟؟؟ اعتقد الفرق
20- مسألة اقتصاد: لو عدد وحدات الانتاج 6000 كانت المصاريف البيعية/التكلفة 000 48 ، يبقي لو عدد وحدات الانتاج 6000 التكلفة كام ؟؟؟ اعقد دية سهلة وسطين فى طرفين
21- في كذا سؤال عن (الناتج القومي ، الدخل القومي ، صافي الناتج القومي ، صافي الدخل ) او المحلي مش فاكر بالظبط  فى صورة تعريف و تقول ده صح ولا غلط
22- من النتائج المترتبة ع الزياد فى استثمار المشاريع كله ما عدا و جايب اختيارات مش فاكرها بس هي بالفهم تقريبا تتحل ( يزيد الدخل – يزيد الواردات – يزيد المصروفات – يزيد الصادرات) مش فاكر الاختيارات اوي بس بدي مثال مش اكتر ... و تقريبا ده اخرررر جزء ف الاقتصاد الكلي
23- ايه اللي ممكن العميل يستخدمه ف السحب اكتر من مرة (ودايع – شهادات – شيكات – حساب جاري و تقريبا هي الصح)
24- ايه المبدا اللي ف المحاسبة بيقول: ان الشركة منفصلة عن غيرها او مستقلة (اسمه الوحدات المحاسبية) ده اختار يعنى مش فاكر نص السؤال بالظبطط بس دي اقرب اجابة و هي الصح بعد ما شوفتها الوقتي ف جوجل

25- فى اسئلة من كتر ما هي سهلة / بديهية نسيتها معلش
26- فى اسئلة تخص محاسبة التكاليف بس مش فاكرها بس مش عميقة ... يعني كان  نص السؤال تقريبا بيقول من مبادئ محاسبة التكاليف .... اختار ..... و لما رجعت لجوجل لقيت برضو سؤال الارباح المحتجزة ده من (المحاسبة المتوسطة) مش المالية

ثالثاً اسئلة الـ IQ


رابعاً اسئلة الـ IT
هتلاقيها من خلال الرابط ده
انتقل للامتحان

خامساً الملفات اللي تراجع منها الامتحان

من خلال الرابط ده
انتقل للامتحان

يارب التوفيق للجميع
ودعواتكم لكل اللي حب يساعد الناس ونقل المعلومه ونظمها ونشرها
-#-# -#-#

0 تعليقات على " "